2011 年 11 月 16 日 星期三 ( 1080 天前 )
TVB《談懲說教》Day 1

2011年11月16日 (星期三) (晴)
------------------------------------------------------------------
繼2006 年《鐵窗邊緣》(港台)後,今日再一次拍懲教所的片---《談懲說教》(TVB),今日帶隊為家明 (Andy Wong)

530am 在M記集合~~6am 上628城巴→630am入到TVB 屋企等~~入到去先知我地唔駛入去電視城休息室,就咁坐喺屋仔等架TVB車黎入懲教所,呢個時後幾位朋友都嚷著Andy 問可唔可以入去買野食同去toliet¬¬andy 都知大家未食野就幫左我地問~~結果成功了,其實我都冇咩所謂,不過又口痕想食下呢度比較出明的叉燒包~~不過我最後都只係食左幾啖 (雖然好食~~但唔知點解又唔捨得食晒 =o=)

之後食野唔多講喇~~我地出返屋仔等多陣 7:15am左右 24座車來到~~我地就上車lu¬¬先去筲箕灣港鐵站接導演 同演員,跟住8am左右入到歌連臣角懲教所,繼2006 年《鐵窗邊緣》(港台)後,今次算係第二次踏入呢了~~

今次我地毫無疑問飾演所員啦~~其他年紀大少少就飾演我地的父母,入到去我地先知道個個髮型都唔合標準要剃短,龍源仲話剃短就唔拍即走好唔願意咁,其實我都奇怪了,點解三嫂冇同我講話要剃短問我意願呢 ?? 當然我為演出就唔會介意啦,最多係可能驚短得滯接唔到民初劇,或者時裝劇 d 導演話我 "突出" 唔俾我埋位甚至坐到角位見唔到樣。本來個PA同Madam 幫我地講好唔駛剪到實際所員那款,點知突然個貌似梁家輝的大sir 來到要求我地剪到實際所員那款,經雙方商議後,我地只需剪到小一生樣子~~嘩! 咁我個樣真係仲更細粒嚕 =o=

不過其他幾個都唔想太短~~最後得我同家明肯剪到咁短 (本來家明都唔想了~~不過佢最後都無得揀下接受了),因為我本身係眾人中最短

剃髮野唔多講喇~~因為我本身係眾人中最髮型短先搞我先,跟住整埋另一位臨時演員後,就叫我地埋左位先....第一場係講父母嚟探我地~~如無意外應該都會有個shot影得算清楚我的....希望到時唔會俾人cut 啦 >.<
拍完呢場佢地差唔多剪完了,見到家明個頭短左我地個個都話佢OK過先前呢! 但佢又好似唔係好信=v=

之後我地拍另一場係去疑似餐廳的位置煮意粉,著晒衫同圍窘+帶帽 ,龍源就問咁剃頭黎做乜 =v=

本來導演點我同家明講對白~~點知家明走去唔知同導演講乜就轉左俾龍源講嚕 >.< 後來先知話我頭先做左拎pizza 個shot (我單一個) =o= 都啱的,一人一次機會~~不過我揀得不好 >.< 等我初初聽到P.A. 同Madam 話我肯剃頭俾對白我講幾~~~開心添....

最後拍到615 pm左右就完了~~其間我問下工作人員下次有冇機會臨記講對白~~佢話在第三日 (即last day)會有,佢叫我到時想講就爭取了,我心諗如有機會拍第三日先算啦~~因為公司只俾左今日同聽日的《談懲說教》通告我

之後坐返24座車離開,我地去到藍田落車,因為家明冇錢出俾我地~~我地幾個就上左去公司拎錢,本來我可等下次出,但知道家明聽日應該都出唔到俾我地~~而我之後三日都要返吉之島拍唔到野,如等到星期一一次過出返晒又怕唔係幾好~~所以都跟埋一齊上公司出糧了,其間天王公司打黎問我落唔落下星期一(即《談懲說教》last day) 的通告,咁我當然話落啦~~始終有頭有尾好d~~同埋有機會講對白wo (雖未知係咪我)

上到公司出完糧,之後傾左幾句計就走了,其間三嫂見我地幾個cut 左hair 都話好~~話我望落去ok 左添。其實我本身都短了,只係幫我再修短d,可能三嫂唔知唶。 好了,明天繼續《談懲說教》8:30am:筲箕灣港鐵站 A2