2006 年 8 月 25 日 星期五 ( 2989 天前 )
物流學系會Ocamp

~~~~2006 物流學系會Ocamp 專輯: 最初物友~~~~

成個暑假狂開會, 攪莊務, 終於到左三日兩夜Ocamp。

當中體會、感受, 真係唔能夠完全以筆墨表達..

本組組名: Sunshine

組爸組媽: 我, thomas, tiffany, christy, carmen

組員: Derek, 大口仔, 世豪, 阿成, 阿樑, 阿yan, 大phoebe, 細phoebe, helen, kaki, sumantha 

22/8 - Ocamp 前夕

莊員們都努力作最後衝刺, 一齊坐晌so房門既地上

整自己負責既Soci game counter 設計, 執箱..

攪到夜晚11點幾, 返到屋企整我地第五組Sunshine 既組物..

2點幾先訓, 第二朝6點幾起身開始執行李~

 

23/8 - Ocamp 第一日

朝早8點幾返到 Poly prepare d 野, 之後各營友到左Lecture room內聽 talk,

then 食飯, 1點就搭旅遊車出發喇~!!! 到達目的地-大埔洞梓童軍中心

首先玩第一隻mass game- 七手八腳, 總共有6-7round,

Sunshine 阿仔阿女一開始落後, 但到左難度最高既最後一round 以第一名完成!!

好叻叻!

之後玩用口擔住百力滋傳食物, 

睇呢張相就知佢地玩呢隻game 係十分淘醉, 所以佢地專登玩耐d,

最後包尾HAHAHA

之後玩人肉鬥獸棋, 要搶對方既尾(用報紙造), 大家玩得好激烈...

好彩冇出現受傷事件...

夜晚Camp fire!!! (想睇阿初點火儀式片段, 就問我la~)

個火好似冇上年咁猛, 但都好熱, 狂跳口水舞, 成身汗~

而且可以係室外, 所以嗌到冇曬氣~

跳完第二round 口水舞

由莊員表演跳營舞, 男既除衫跳, 令氣氛極度高漲,

全場打曬拍子, 好high!!

夜晚 Sunshine 全家人坐晌canteen 外玩非洲話事啤,

其中組媽Christy 輸左, punishment 係......笑死!!

 

之後返房, thomas 講鬼故....佢講得幾有氣氛wor, 不過聽得好悶=.="

跟住玩左一陣房game就去開會, 好眼訓 =.=

但開完會已經天光, 來到ocamp 第二天..

 

8月24日 - Ocamp 第二日

通頂冇訓過, 所以冇曬精神....朝早玩soci game (社會角色扮演遊戲)

我同阿珊係負責社會上既學校~

 

讀小學、中學係人生必經之路, 所以勁多人玩...

中學既玩法就係要用「有隻雀仔跌落水」既曲去唱一句歌詞,

例如「型長好型」,就要唱: 營長好型營長好, 營型長, 好型營...."

原來呢個遊戲都ok 難, 女仔玩得好d , 部份男仔真係亂來....

阿賢就係一個例子: XDDDDDDDDDDDDDDDDDDDDDDDDD

 

之後玩mass game, 單對單膠管噴奶~!!

我覺得今次ocamp既mass game 最好玩係呢個~

再玩獎門人噴奶, 接著係水戰~好爽!

 

夜晚落雨....treasure hunt 改變玩法, 安全得多。

雖然冇原定既玩法咁刺激, 但freshmen 都幾投入。

我守既check point 係博愛樓最入既花園....由於落完雨,

泥土濕林林=.= 我 feel 到我腳下有各式各樣既昆蟲, 好驚。﹏。"

連接去下面宿舍果條樓梯, 差不多每級都有隻青蛙跳下跳下=.=

之後玩房game~終於有得訓覺

 

8月25日 - Ocamp 第三日

6點幾訓醒, 精神地迎接Ocamp 最後一日!!

食完早餐, 大家返房執行李, 玩賭神game,

Sunshine 仔女好聰明~ 除左第一組個task 外, 其他task全部賭中曬~

最後我地排第四!!! yeah!!!

之後就係camp 花camp草選舉!

camp草得主係阿賢, 一早都話係你ga la~

食完飯....就要進行一個傳統.........莊員食百寶粥....

即係freshmen將所有食剩既飯送菜汁例曬落隻碗度,

要我地食曬佢 .....

好彩今次冇乜事, 班freshmen 鍚住我地~

只係又酸又咸咁~

影完大合相就搭旅遊巴走lu, 之後自己組人返poly 食tea,

寫對大家既comment.

 

今次ocamp 感想:

總括來講今次Ocamp 幾順利~ freshmen 們都玩得好開心

作為組爸的我, 我很期望自己仔女能從今次ocamp中成長,

令佢地更能融入大學生活。

在camp內的「最後午飯」, 大家都講出自己對今次ocamp既感受,

佢地既得著比入camp前預期的更多,

我最buy 大口仔一句:「其實我好鐘意你地架!」yeah~!!!!

晌舊can互相寫comment 時, 大家對我既感覺,

同上年組員對我既寫既好接近: 好人, 好男人...

但今次加了一個名詞: 好爸爸

對~同其他組爸組媽一樣,

我真係好錫自己d 仔女, 好關心你地,

入到ocamp 無時無刻都諗住你地..

或者呢種就係父愛既感覺

玩mass game 時要去其他組做judge, 冇法全程為自己組人打氣,

你地之間發生既趣事、經歷, 我只係知道好少部份...

第一晚開會時, 當我知道要長期做judge、留晌central唔可以返自己組,

我已不由衷拿出手機send sms俾你地每一個....

段message 打左成粒鐘ga....

多謝你地明白我既心意

但我覺得自己唔係預期中的好組爸...

我唔識帶動起全組既氣氛,

不過precamp, ocamp幾日見到仔女慢慢團結, 慢慢成長,

我好安慰呢~